୫୭୯କୋଟି ଟଙ୍କାର ଟେଣ୍ଡରକୁ ଅନୁମୋଦନ
ଭୁବନେଶ୍ୱର:୧/୭-କଳିଙ୍ଗ ଷ୍ଟାଡିୟମ ଠାରୁ ରଘୁନାଥପୁର ୯.୫୦୦ କିମି ପର୍ଯ୍ୟନ୍ତ ଜୟଦେବ ବିହାର-ନନ୍ଦନକାନନ ସଡକର ବିଭିନ୍ନ ଛକରେ ଫ୍ଲାଏଓଭର ନିର୍ମାଣ ସହ ସଡ଼କର ଉନ୍ନତିକରଣ କରାଯିବ। ଏଥିପାଇଁ ୫୭୯କୋଟି ଟଙ୍କାର ବ୍ୟୟ ଅଟ୍ଟକଳ କରାଯାଇ ଟେଣ୍ଡର ଚୂଡାନ୍ତ ହୋଇଥିଲା। ଏହାକୁ କ୍ୟାବିନେଟରେ ଅନୁମୋଦନ ମିଳିଛି। ସୂଚନାଯୋଗ୍ୟ ଯେ ପ୍ଲାଏଓଭର ନିର୍ମାଣ ପାଇଁ ପ୍ରାୟ ୧୨ବର୍ଷ ତଳେ ଯୋଜନା ହୋଇଥିଲା। କିଛି ଅନଭିଜ୍ଞ ସରକାରୀ ଅଧିକାରୀ ସରକରଙ୍କୁ ବିଭିନ୍ନ ବିଭ୍ରାନ୍ତିକର ତଥ୍ୟ ଦେଇ ଏହାକୁ କରେଇ ଦେଇନଥିଲେ। ଏବେ ବିଜେପି ସରକାର ଏହାକୁ ଗୁରୁତର ସହ ନେଇଛି।
ଏହି କରିଡର ଭୁବନେଶ୍ୱର ଓ କଟକକୁ ସଂଯୋଗ କରୁଥିବା ଏକ ପ୍ରମୁଖ ମାର୍ଗ ଭାବରେ କାର୍ଯ୍ୟ କରିବ। ଏହା ଜୟଦେବ ବିହାର- ନନ୍ଦନକାନନ-ବାରଙ୍ଗ ଓ କଟକ ମଧ୍ୟରେ ନିରବଚ୍ଛିନ୍ନ ଯାତାୟାତକୁ ସୁନିଶ୍ଚିତ କରିବ। ମୁଖ୍ୟତଃ ଭିଡ଼ ହ୍ରାସ ନେଇ ସରକାର ଏହି ରାସ୍ତାର ବିକାଶ ଚିନ୍ତା କରିଛନ୍ତି। ଯାହା ଅନେକ ଆଗରୁ କରିବାର ଥିଲା। ଏହା ୮ ଲେନ ବିଶିଷ୍ଟ ହେବ। ଏହା ଟ୍ରାଫିକ ସମସ୍ୟାକୁ ହ୍ରାସ କରିବ ବୋଲି ସୂଚନା ଦିଆଯାଇଛି। ଦୁଇବର୍ଷ ମଧ୍ୟରେ ଏହି କାର୍ଯ୍ୟ ସମ୍ପୂର୍ଣ୍ଣ କରିବାକୁ ଲକ୍ଷ୍ୟଧାର୍ଯ୍ୟ କରାଯାଇଛି।
