ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର ପୂର୍ବରୁ ୯୦ ଦିନର ବକେୟା ଚାଲାଣ ଅର୍ଥ ଦେବାକୁ ପଡିବ

ଭୁବନେଶ୍ୱର:୧୨/୨-ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର କରିବା ପୂର୍ବରୁ ପୁରୁଣା ଚାଲାଣ ପଇଠ କରିବାକୁ ହେବ। ଏହା ଆଇନତଃ ବାଧ୍ୟତାମୂଳକ ବୋଲି ହାଇକୋର୍ଟ ତାଙ୍କ ରାୟରେ ପ୍ରକାଶ କରିଛନ୍ତି। ଚାଲାଣ ଥିଲେ ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର ହୋଇପାରିବ କି ନା ସେସମ୍ପର୍କରେ ହାଇକୋର୍ଟ ରାଜ୍ୟ ସରକାରଙ୍କ ନିକଟରୁ ରିପୋର୍ଟ ଚାହିଁଥିଲେ। ରାଜ୍ୟ ସରକାରଙ୍କ ପକ୍ଷରୁ ଏ ସଂକ୍ରାନ୍ତ ରିପୋର୍ଟ ପ୍ରଦାନ କରାଯାଇଥିବା ବେଳେ ହାଇକୋର୍ଟ ଉପରୋକ୍ତ ରାୟ ଦେଇଛନ୍ତି। ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର କରିବା ପୂର୍ବରୁ ୯୦ ଦିନର ପୁରୁଣା ବକେୟା ଚାଲାଣ ବାବଦ ଅର୍ଥ ଜମା କରିବା ବାଧ୍ୟତାମୂଳକ ବୋଲି କେନ୍ଦ୍ରୀୟ ମୋଟରଯାନ ଆଇନରେ ରହିଛି।
ପୂର୍ବ ଶୁଣାଣିରେ ପରିବହନ ବିଭାଗ ପକ୍ଷରୁ ପ୍ରଦୂଷଣ ନିୟନ୍ତ୍ରଣ ପ୍ରମାଣପତ୍ର ନଥିଲେ ପେଟ୍ରୋଲ ମନା ସଂକ୍ରାନ୍ତ ଚିଠିକୁ ପ୍ରତ୍ୟାହାର କରି ନିଆଯାଇଥିବା କୁହାଯାଇଥିଲା।