ଭୁବନେଶ୍ୱର: ୪/୧- ଗୋଦାବରୀଶ ମହାବିଦ୍ୟାଳୟ ବାଣପୁରର ୧୯୭୭-୮୧ ବ୍ୟାଚ ସହପାଠୀଙ୍କୁ ନେଇ ଗଠିତ ନିର୍ମାଲ୍ୟ ପରିବାରଙ୍କ ବନ୍ଧୁମିଳନ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି। ଖଣ୍ଡଗିରି ତପୋବନରେ ଥିବା ଶ୍ରୀ ଶ୍ରୀ ଅଭିରାମ ପରମହଂସ ଶାନ୍ତି ଆଶ୍ରମରେ ଆୟୋଜିତ ଏହି ବନ୍ଧୁମିଳନ ପର୍ବରେ ୫୪ ଜଣ ବନ୍ଧୁ ଓ ବାନ୍ଧବୀ ଭାଗ ନେଇ ସେମାନଙ୍କ ସୁଖ ଦୁଃଖ ବାଣ୍ଟିଥିଲେ। ଏହା ଥିଲା ବାସ୍ତବିକ ହୃଦୟସ୍ପର୍ଶୀ ଓ ମନୋମୁଗ୍ଧକର। ଏହି ଉପଲକ୍ଷେ ଆୟୋଜିତ ସ୍ୱାସ୍ଥ୍ୟ ଶିବିରରେ ମୋଟ ୪୭ ଜଣ ଭାଗ ନେଇଥିଲେ। ଆୟୋଜିତ କ୍ଷୁଦ୍ର ଗଳ୍ପ ଓ କବିତା ପାଠୋତ୍ସବରେ ୯ ଜଣ ଭାଗ ନେଇ ପରିବେଶକୁ ଆବେଗମୟ କରିଥିଲେ।
ଗୁରୁପୂଜନ କାର୍ଯ୍ୟକ୍ରମ ଅତ୍ୟନ୍ତ ହୃଦୟସ୍ପର୍ଶୀ ହୋଇଥିଲା। ମଞ୍ଚ ସଜ୍ଜା ଏକ ମନଲୋଭା ଓ ସୁନ୍ଦର ପରିବେଶ ସୃଷ୍ଟି କରିଥିଲା। ଏକତ୍ର ସୁସ୍ୱାଦୁ ଖାଦ୍ୟ ଭୋଜନ ସମସ୍ତଙ୍କୁ ଆନନ୍ଦ ଦେଇଥିଲା । ରିଲସ ,ଭିଡିଓ ଓ ଫଟୋ ଉତ୍ତୋଳନ କରାଯାଇଥିଲା। ଚିତ୍ତାକର୍ଷକ ଥିଲା ନାଚ ଗୀତାର ଆସର। ଆସନ୍ତାବର୍ଷ ଏକ ବଡ ଧରଣର ଆୟୋଜନ ପାଇଁ ନିଷ୍ପତ୍ତି ନିଆଯାଇଥିଲା । କେତେକ ବନ୍ଧୁ ସମସ୍ତଙ୍କୁ ବିଭିନ୍ନ ଉପାଦେୟ ଉପହାର ପ୍ରଦାନ କରିଥିଲେ ।
