ଭୁବନେଶ୍ୱର:୨୧ା୭-ଚଳିତ ଆର୍ôଥକବର୍ଷ ଶେଷ ସୁଦ୍ଧା ଭାରତର ଋଣ ପରିମାଣ ୨୧୮ଲକ୍ଷ କୋଟି ଟଙ୍କାରୁ ଅଧିକ ହେବ ବୋଲି କେନ୍ଦ୍ର ସରକାର ୨୦୨୬-୨୭ର ବଜେଟରେ ଅନୁମାନ କରିଛନ୍ତି। ତେବେ ଗତ ମାର୍ଚ୍ଚ ଶେଷ ସୁଦ୍ଧା ଦେଶର ଋଣ ପରିମାଣ ୨୦୧ଲକ୍ଷ କୋଟି ଟଙ୍କାରୁ ଅଧିକ ରହିଛି। ରାଜ୍ୟସଭାରେ ସାଂସଦ ଦିଲ୍ଲୀପ ରାୟଙ୍କ ଏକ ପ୍ରଶ୍ନର ଉତ୍ତରରେ ଅର୍ଥ ବିଭାଗ ରାଷ୍ଟ୍ରମନ୍ତ୍ରୀ ପଙ୍କଜ ଚୌଧୁରୀ ଦେଇଥିବା ତଥ୍ୟରୁ ଏହା ଜଣାପଡିଛି। କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ପ୍ରଦାନ କରିଥିବା ସୂଚନା ମୁତାବକ ୨୦୨୫-୨୬ ଆର୍ôଥକ ବର୍ଷ ଶେଷ ସୁଦ୍ଧା ଭାରତର ଋଣବୋଝ ୨୦୧.୧୭ଲକ୍ଷ କୋଟି ଟଙ୍କା ଥିଲା। ଏହି ସମୟ ବେଳକୁ ବିଦେଶୀ ଋଣ ପରିମାଣ ୯.୮୯ଲକ୍ଷ କୋଟି ଟଙ୍କା ରହିଥିଲା। ତେବେ ୨୦୨୬-୨୭ ବର୍ଷ ଶେଷସୁଦ୍ଧା ଦେଶର ଋଣ ବୋଝ ୨୧୮.୬୩ଲକ୍ଷ କୋଟି ଟଙ୍କାରେ ପହଞ୍ôଚବା ନେଇ ବଜେଟରେ ଅନୁମାନ କରାଯାଇଛି। ବର୍ଷ ଶେଷ ସୁଦ୍ଧା ଦେଶର ବୈଦେଶିକ ଋଣ ପରିମାଣ ୯.୬୪ ଲକ୍ଷ କୋଟି ଟଙ୍କାରେ ପହଞ୍ôଚପାରେ। ବର୍ତ୍ତମାନର ବୈଦେଶିକ ମୁଦ୍ରା ବିନିମୟ ହାର ଅନୁଯାୟୀ ବୈଦେଶିକ ଋଣର ଆକଳନ କରାଯାଇଥିବା ଏଥିରେ ଦର୍ଶାଯାଇଛି।
ସାଂସଦ ଶ୍ରୀ ରାୟଙ୍କ ଏହି ପ୍ରଶ୍ନର ଉତ୍ତରରେ କେନ୍ଦ୍ର ଅର୍ଥ ରାଷ୍ଟ୍ରମନ୍ତ୍ରୀ ଯେଉଁ ତଥ୍ୟ ଦେଇଛନ୍ତି ସେଥିରୁ ବର୍ଷକୁ ବର୍ଷ ଋଣର ମୂଳ ଓ ସୁଧ ପରିଶୋଧ ପରିମାଣ ବଢ଼ୁଛି। ୨୦୨୦-୨୧ ବର୍ଷରେ ୨.୬୨ଲକ୍ଷ କୋଟି ଟଙ୍କା ମୂଳ ପରିଶୋଧ ହୋଇଥିବାବେଳେ ୨୦୨୧-୨୨ରେ ୩ଲକ୍ଷ କୋଟି, ୨୦୨୨-୨୩ରେ ୩.୫୩ଲକ୍ଷ କୋଟି, ୨୦୨୩-୨୪ରେ ୪.୮୮ଲକ୍ଷ କୋଟି, ୨୦୨୪-୨୫ରେ ୪.୧୬ଲକ୍ଷ କୋଟି ଟଙ୍କା ସୁଝା ଯାଇଥିଲା। ୨୦୨୫-୨୬ରେ କେନ୍ଦ୍ର ସରକାର ୪.୬୧ଲକ୍ଷ କୋଟି ଟଙ୍କାର ଋଣ ସୁଝିଥିବାବେଳେ ୨୦୨୬-୨୭ର ବଜେଟ ଆକଳନ ଅନୁଯାୟୀ ଏହି ପରିମାଣ ୬.୨୨ଲକ୍ଷ କୋଟି ଟଙ୍କା ହେବ ବୋଲି ଆଶା କରାଯାଉଛି। ଅର୍ଥ ରାଷ୍ଟ୍ରମନ୍ତ୍ରୀଙ୍କ ପ୍ରଦତ୍ତ ସୂଚନା ମୁତାବକ ୨୦୨୦-୨୧ ବର୍ଷରେ କେନ୍ଦ୍ର ସରକାର ଋଣ ଉପରେ ସୁଧ ବାବଦକୁ ୬.୮୦ ଲକ୍ଷ କୋଟି ଟଙ୍କା ପ୍ରଦାନ କରିଥିବାବେଳେ ୨୦୨୧-୨୨ ବର୍ଷରେ ୮.୦୫ ଲକ୍ଷ କୋଟି ଟଙ୍କା, ୨୦୨୨-୨୩ରେ ୯.୨୯ ଲକ୍ଷ କୋଟି ଟଙ୍କା, ୨୦୨୩-୨୪ରେ ୧୦.୬୪ ଲକ୍ଷ କୋଟି ଟଙ୍କା ଓ ୨୦୨୪-୨୫ ବର୍ଷରେ ୧୧.୧୬ ଲକ୍ଷ କୋଟି ଟଙ୍କା ଦେଇଥିଲେ। ୨୦୨୫-୨୬ ବର୍ଷରେ ସୁଧ ବାବଦରେ କେନ୍ଦ୍ର ସରକାର ୧୨.୪୩ ଲକ୍ଷ କୋଟି ଟଙ୍କା ଦେୟ କରିଥିବାବେଳେ ଚଳିତ ଆର୍ôଥକ ବର୍ଷରେ ଏ ବାବଦରେ ୧୪.୦୪ ଲକ୍ଷ କୋଟି ଟଙ୍କା ପ୍ରଦାନ କରିବେ ବୋଲି ବଜେଟ ଅଟକଳ ହୋଇଛି।
ଶ୍ରୀ ରାୟଙ୍କ ଅନ୍ୟ ଏକ ପ୍ରଶ୍ନର ଉତ୍ତରରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ପ୍ରତାପ ରାଓ ଯାଦବ କହିଛନ୍ତି ଯେ ପ୍ରଧାନମନ୍ତ୍ରୀ ସ୍ୱାସ୍ଥ୍ୟ ସୁରକ୍ଷା ଯୋଜନାରେ ଭୁବନେଶ୍ୱରସ୍ଥିତ ଏମ୍ସର ବାଲେଶ୍ୱରଠାରେ ଏକ ସାଟେଲାଇଟ କେନ୍ଦ୍ର କାର୍ଯ୍ୟ କରୁଛି। ଏବେ ରାଜ୍ୟରେ ଆଉ ନୂଆ ସାଟେଲାଇଟ କେନ୍ଦ୍ର ପ୍ରତିଷ୍ଠା ପାଇଁ ପ୍ରସ୍ତାବ ନାହିଁ। ଏଠାରେ ଉଲ୍ଲେଖନୀୟ ଯେ ଜନସାଧାରଣଙ୍କ ବୃହତ୍ତର ସ୍ୱାର୍ଥ ଦୃଷ୍ଟିରୁ ରାଉରକେଲାରେ ଏମ୍ସର ଏକ ଶାଖା ଖୋଲିବା ପାଇଁ ସାଂସଦ ଶ୍ରୀ ରାୟ ଦୀର୍ଘବର୍ଷ ହେବ ଦାବି କରିଆସୁଛନ୍ତି।
