ହିନ୍ଦୀ ଚଳଚ୍ଚିତ୍ର ‘ସାବରମତୀ ରିପୋର୍ଟ’ କରମୁକ୍ତ

ଭୁବନେଶ୍ୱର 28.11.2024-ସତ୍ୟ ଘଟଣା ଉପରେ ଆଧାରିତ ହିନ୍ଦୀ ଚଳଚ୍ଚିତ୍ର “The Sabarmati Report” ୨୦୦୨ ମସିହାରେ ହୋଇଥିବା ଗୋଧ୍ରା ରେଳ ପୋଡି ଘଟଣା ଉପରେ ପର୍ଯ୍ୟବସିତ। ଚଳଚ୍ଚିତ୍ରଟି ବର୍ତ୍ତମାନ ଓଡ଼ିଶାର ପ୍ରେକ୍ଷାଳୟ ଗୁଡିକରେ ପ୍ରଦର୍ଶିତ ହେଉଛି। ଚଳଚ୍ଚିତ୍ରର ଗୁଣାତ୍ମକ ଓ ଭାବନାତ୍ମକ କାହାଣୀ ଦୃଷ୍ଟିରୁ ଏହାକୁ ଅଧିକରୁ ଅଧିକ ଲୋକ ଦେଖିବାର ଆବଶ୍ୟକତା ରହିଛି। ଓଡ଼ିଶାର ଜନସାଧାରଣଙ୍କ ଭାବନାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀଙ୍କ ଆଦେଶ କ୍ରମେ ଚଳଚ୍ଚିତ୍ରକୁ ଓଡ଼ିଶାରେ କରମୁକ୍ତ କରାଯିବାର ନିଷ୍ପତ୍ତି ନିଆଯାଇଛି।