ଭୁବନେଶ୍ୱର:7/12/2024 ଅର୍ଥନୀତି ବିଜ୍ଞାନରେ ୨୦୧୯ରେ ନୋବେଲ ପୁରସ୍କାରପ୍ରାପ୍ତ ଚିକାଗୋ ୟୁନିଭରସିଟି ପ୍ରଫେସର ଡ଼ ମାଇକେଲ କ୍ରେମର ଭୁବନେଶ୍ଵରସ୍ଥିତ କୃଷି ଭବନ ପରିଦର୍ଶନରେ ଆସି ଓଡ଼ିଶା କୃଷି କ୍ଷେତ୍ରର ଅଗ୍ରଗତି ବିଷୟରେ ଅବଗତ ହୋଇଥିଲେ l
ଡ଼ କ୍ରେମର ବିଶ୍ବରେ ଦାରିଦ୍ର୍ୟ ହ୍ରାସ ଦିଗରେ କାର୍ଯ୍ୟ କରିଆସୁଛନ୍ତି ଓ ଏଥିପାଇଁ ସେ ୨୦୧୯ ରେ ସମ୍ମାନଜନକ ନୋବେଲ ପୁରସ୍କାର ପାଇଛନ୍ତି l ବର୍ତ୍ତମାନ ସେ ଚିକାଗୋ ୟୁନିଭରସିଟିରେ ବରିଷ୍ଠ ପ୍ରଫେସର ଭାବେ କାର୍ଯ୍ୟରତ ଅଛନ୍ତି l ଓଡ଼ିଶାର କୃଷି କ୍ଷେତ୍ରରେ ଚଳିତ ବର୍ଷ ବାତ୍ୟା ଦାନା ଯୋଗୁଁ ଉତ୍ପାଦନ ପ୍ରଭାବିତ ହେବା ସତ୍ତ୍ୱେ ଫସଲ ଉତ୍ପାଦନ ବଢିଥିବା ଦେଖି ଡ଼ କ୍ରେମର ଖୁସିବ୍ୟକ୍ତ କରିଛନ୍ତି l
ଏହାସହ କୃଷି ବିଭାଗ ଦ୍ଵାରା ନିୟମିତ ବ୍ୟବଧାନରେ କୃଷି ସମୃଦ୍ଧି ପୋର୍ଟାଲ ମାଧ୍ୟମରେ ଚାଷୀଙ୍କୁ ପାଣିପାଗ ଜନିତ ସୂଚନା ପ୍ରଦାନକୁ ମଧ୍ୟ ଭୂୟସୀ ପ୍ରଶଂସା କରିଥିଲେ l ଏହାପରେ କୃଷି ସମୀକ୍ଷା କେନ୍ଦ୍ରର ପରିଦର୍ଶନ ସହ ଏହାର କାର୍ଯ୍ୟ ପ୍ରଣାଳୀ ବାବଦରେ ଅବଗତ ହୋଇଥିଲେ l ପୂର୍ବରୁ ମଧ୍ୟ ଡ଼ କ୍ରେମର ଏବଂ ତାଙ୍କ ଟିମ୍ ଓଡ଼ିଶା ସହ ସହଭାଗୀ ହୋଇ କାର୍ଯ୍ୟ କରିଛନ୍ତି l ଏହି ସହଭାଗିତା ଆଗକୁ ମଧ୍ୟ ଜାରି ରହିବ ବୋଲି ସେ ମତବ୍ୟକ୍ତ କରିଥିଲେ l
