ସାତଦିନ ଭିତରେ ଦୃର୍ବୁତ୍ତ ଧାରା ନ ପଡ଼ିଲେ ଡିଜିପି ଅଫିସ ଘେରାଉ- ଭକ୍ତ ଦାସ

ଭୁବନେଶ୍ୱର ତା ୨/୮- ଦିଲ୍ଲୀ ଏମ୍ସରେ ଚିକିତ୍ସାଧୀନ ଥିବା ବଳଙ୍ଗା ପୀଡ଼ିତାଙ୍କ ଦେହାନ୍ତ ହୋଇଛି। ଏହି ଦୁଃଖଦ ଖବର ପାଇ ପିସିସି ସଭାପତି ଭକ୍ତ ଦାସ କହିଛନ୍ତି ସେ ଅତ୍ୟନ୍ତ ଦୁଃଖିତ ଓ ମର୍ମାହତ। ଅମର ଆତ୍ମାର ସଦଗତି କାମନା କରି ଶୋକ ସନ୍ତପ୍ତ ପରିବାରବର୍ଗଙ୍କୁ ସେ ସମବେଦନା ଜଣାଇଛନ୍ତି। ଶ୍ରୀ ଦାସ କହିଛନ୍ତି, ବଳଙ୍ଗା ପୀଡିତାଙ୍କ ଘଟଣାକୁ ଦୁଇ ସପ୍ତାହ ହୋଇଛି । ଶେଷରେ ତାଙ୍କ ମୃତ୍ୟୁ ଘଟିଛି । ୧୫ ଦିନ ହେଲା ଘଟଣାର ଅଭିଯୁକ୍ତଙ୍କୁ ପୁଲିସ ଧରି ପାରିନାହିଁ। ଏଥରୁ ପୁଲିସ ବିଭାଗ କେମିତି ଚାଲିଛି ତାହା ଅନୁମେୟ। ପୀଡ଼ିତାଙ୍କ ବୟାନ ପୁଲିସ ବି ରେକର୍ଡ କରିଛି । ଏହାକୁ ପ୍ରକାଶ କରୁନି । ଘଟଣା ଚପାଇ ଦେବା ଉଦ୍ୟମ ହେଉଛି । ସାତଦିନ ଭିତରେ ପୀଡ଼ିତାଙ୍କୁ ନ୍ୟାୟ ନ ମିଳିଲେ ଆମେ ଡିଜିପି ଅଫିସ ଘେରାଉ କରିବୁ ବୋଲି ଆଜି ସେ ଘୋଷଣା କରିଛନ୍ତି।