ଓଡିଶା କୁତ୍ରିମ ବୁଦ୍ଧିମତ୍ତା ମିସନ ପୋର୍ଟାଲ ଲୋକାର୍ପିତ
ଭୁବନେଶ୍ୱର:୧୯/୧୨-ପ୍ରଶାସନ, ବିକାଶ ଏବଂ ସାର୍ବଜନୀନ ହିତ ପାଇଁ ଏଆଇକୁ ଆଗକୁ ବଢାଇବା ଉପରେ ଏକ ଉଚ୍ଚସ୍ତରୀୟ ଦୁଇ ଦିନିଆ କୁତ୍ରିମ ବୁଦ୍ଧିମତା ସମ୍ମିଳନୀ (ଓଡିଶା ଏଆଇ ସମ୍ମିଳନୀ) ଲୋକସଭା ଭବନ କନ୍ଭେନ୍ସନ ସେଣ୍ଟରରେ ଉଦଘାଟିତ ହୋଇଯାଇଛି । ସମ୍ମିଳନୀରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଭାସୀ ମାଧ୍ୟମରେ ଏବଂ ମନ୍ତ୍ରୀ ମୁକେଶ ମହାଲିଙ୍ଗ, ଭାରତ ସରକାରଙ୍କ ଯୁଗ୍ମ ସଚିବ, ମେଇଟିୱାଇ ସୁଦୀପ ଶ୍ରୀବାସ୍ତବ, ଇଜିପ୍ଟର ଏଆଇ ଶାସନ ବିଶେଷଜ୍ଞ ଡକ୍ଟର ଅହମ୍ମଦ ହେଫନାୱି ଓ ନୀତି ଫ୍ରଣ୍ଟିୟର୍ ଟେକ୍ ହବ୍ ମୁଖ୍ୟ ସ୍ଥପତି ଦେବଜାନୀ ଘୋଷ ପ୍ରମୁଖ ଯୋଗ ଦେଇଥିଲେ । ଓଡ଼ିଶା ସରକାରଙ୍କ ମୁଖ୍ୟ ଶସନ ସଚିବ ମନୋଜ ଆହୁଜା, ଇଲେକ୍ଟ୍ରୋନିକ୍ସ ଏବଂ ଆଇଟିର ପ୍ରମୁଖ ସଚିବ ବିଶାଳ ଦେବ ଏବଂ ଇଲେକ୍ଟ୍ରୋନିକ୍ସ ଏବଂ ଆଇଟିର ସ୍ୱତନ୍ତ୍ର ସଚିବ ମାନସ ପଣ୍ଡା ମଧ୍ୟ ସମାବେଶକୁ ସମ୍ବୋଧିତ କରିଥିଲେ ।
ମୁଖ୍ୟମନ୍ତ୍ରୀ ଏଆଇ-ନେତୃତ୍ୱାଧୀନ ଶାସନ ଏବଂ ନାଗରିକ-କୈନ୍ଦ୍ରିକ ନବସୃଜନ ପ୍ରତି ଓଡ଼ିଶାର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥିଲେ । ସେ କହିଥିଲେ, ଆମେ କେବଳ ଏଆଇ ଗ୍ରହଣ କରୁନାହୁଁ, ଆମେ ଏକ ଏଆଇ-ଚାଳିତ ଓଡ଼ିଶାର ମୂଳଦୁଆ ନିର୍ମାଣ କରୁଛୁ । ଏହା ଶାସନ, ସେବା ପ୍ରଦାନର ଗତିକୁ ସୁଦୃଢ଼ କରିବ ଏବଂ ନାଗରିକମାନଙ୍କୁ ସଶକ୍ତ କରିବ । ଭାରତ ଏକ ଐତିହାସିକ ବୈଷୟିକ ପରିବର୍ତ୍ତନ ଦେଇ ଗତି କରୁଛି ଏବଂ ଓଡ଼ିଶା ଏହି ଜାତୀୟ ଆନ୍ଦୋଳନରେ ଏକ ସକ୍ରିୟ ଏବଂ ମହତ୍ୱାକାଂକ୍ଷୀ ଅଂଶୀଦାର ହେବ ।
ଓଡିଶା କୁତ୍ରିମ ବୁଦ୍ଧିମତ୍ତା ମିସନ ପୋର୍ଟାଲ ଲୋକାର୍ପିତ କରି ମନ୍ତ୍ରୀ ମୁକେଶ ମହାଲିଙ୍ଗ ଭାରତ ଏଆଇ ଇମ୍ପାକ୍ଟ ଶିଖରର ନୀତି ତିନୋଟି ସୂତ୍ର ଏବଂ ସାତ ଚକ୍ର ସହିତ ସମ୍ମିଳନୀର ସମନ୍ୱୟ ଉପରେ ଆଲୋକପାତ କରିଥିଲେ । ଯାହା ଏହି ନୀତିଗୁଡ଼ିକୁ ମାନବ ପୁଞ୍ଜି, ଅନ୍ତର୍ଭୁକ୍ତି, ବିଶ୍ୱାସ, ସ୍ଥିରତା, ବିଜ୍ଞାନ, ସମ୍ବଳ ଏବଂ ସାମାଜିକ ମଙ୍ଗଳକୁ ନେଇ ବହୁପାକ୍ଷିକ କାର୍ଯ୍ୟର କଂକ୍ରିଟ୍ କ୍ଷେତ୍ରରେ ପରିଣତ କରିଥାଏ । ଆଞ୍ଚଳିକ ସମ୍ମିଳନୀ ଓଡିଶା ସହ ଅନ୍ୟ ୭ ଟି ରାଜ୍ୟରେ ଅନୁଷ୍ଠିତ ହେଉଛି । ଏହି ସମ୍ମିଳନୀର ମୁଖ୍ୟ ଉଦ୍ଦେଶ୍ୟ ସମସ୍ତଙ୍କ ପାଇଁ କୁତ୍ରିମ ବୁଦ୍ଧିମତାକୁ ସରକାରୀ ଏବଂ ଅନ୍ୟ ସମସ୍ତ କାର୍ଯ୍ୟରେ କିପରି ସଠିକ ବ୍ୟବହାର କରାଯାଇପାରିବ । କୁତ୍ରିମ ବୁଦ୍ଧିମତା ଟୁଲ ମାଧ୍ୟମରେ ସୁଭଦ୍ରା, ଧାନ କିଣାରେ ଇନପୂଟ ସବସିଡିକୁ ସକ୍ଷମ କରାଯାଇଛି ବୋଲି ସେ କହିଥିଲେ।
ଶ୍ରୀ ଆହୁଜା କହିଥିଲେ, ନୀତିଗତ ଏବଂ ଉତ୍ତରଦାୟୀ ଭାବେ କୁତ୍ରିମ ବୁଦ୍ଧିମତା ବ୍ୟବହାର ଅଧିକ ଆବଶ୍ୟକ । ଆମକୁ ଏଆଇ କର୍ମଶାଳାରୁ ଏହାର କାର୍ଯ୍ୟ ପ୍ରତି ଧ୍ୟାନ ଦେବାକୁ ପଡିବ । ଫଳରେ ଭବିଷ୍ୟତରେ କୁତ୍ରିମ ବୁଦ୍ଧିମତା ନିଶ୍ଚିତ ରୂପେ ସାର୍ବଜନୀନ ଭିତ୍ତିଭୂମି ସହିତ ଗୁରୁତ୍ୱପୂର୍ଣ୍ଣ ସଫଳତା ହାସଲ କରିବ । ଏଆଇ-ଚାଳିତ ଅଭିବୃଦ୍ଧି ଏବଂ ବିକାଶ ପାଇଁ ଓଡ଼ିଶାର ପ୍ରତିବଦ୍ଧତାକୁ ଆହୁରି ଦୃଢ଼ କରିବ । ବିଶାଲ ଦେବ, ଓପନ ଏଆଇ ଛାତ୍ର ଏବଂ ସରକାରୀ ଅଧିକାରୀଙ୍କ ପାଇଁ ଏଆଇ କ୍ଷମତା ନିର୍ମାଣ ଏବଂ ପାଇଲଟ୍ ଏଆଇ ବ୍ୟବହାର ମାମଲାଗୁଡ଼ିକୁ ସମର୍ଥନ କରିବା ଉପରେ ଗୁରୁତ୍ୱ ଦେଇଥିଲେ । ଇଲେକ୍ଟ୍ରୋନିକ୍ସ ଏବଂ ଆଇଟି ବିଭାଗର ସ୍ୱତନ୍ତ୍ର ସଚିବ ମାନସ ପଣ୍ଡା ଧନ୍ୟବାଦ ଦେଇଥିଲେ।
